المصطفیٰ آئی ہسپتال لاہور کے ٹرسٹی جناب شیخ عزیز الرحمن گذشتہ دنوں کینیڈا سے مختصر دورے پر پاکستان پہنچے ۔ انھوں نے پاکستان میں قیام کے دوران لاہور میں المصطفیٰ آئی ہسپتال ، المصطفیٰ دسترخوان اور واٹر فلٹریشن پلانٹ کا خصوصی دورہ کیا ۔ ہسپتال پہنچنے پر ’’ المصطفیٰ ‘‘ پاکستان کے کنٹری ڈائریکٹر تجمل گرمانی اور’’ المصطفیٰ ‘‘ کی مینجمنٹ ہیڈ محترمہ نصرت سلیم نے معزز مہمان کا استقبال کیا اور انھیں ہسپتال اور دسترخوان کے حوالے سے خصوصی بریفنگ دی ۔ اس موقع پر المصطفیٰ آئی ہسپتال کے صدر طارق حمید فضل اور سینئر نائب صدر خالد حمید فضل بھی موجود تھے ۔ شیخ عزیز الرحمن نے المصطفیٰ آئی ہسپتال کی ورکنگ ، کارکردگی اور معیار پر اطمینان کا اظہار کیا اور ہسپتال میں خدمات سرانجام دینے والے ایم ایس ، سرجن ، ڈاکٹرز اور دوسرے سٹاف کی لگن ، جذبے اور اخلاص کی تعریف کی ۔
